លោក DUTERTE ឱ្យប៉ូលិសសម្លាប់ពួកឆ្កួតៗតដៃ
ថ្ងៃចន្ទ ទី២៨ ខែសីហា ឆ្នាំ២០១៧ ម៉ោង ១៧:២០ (28-08-2017 17:20)
ប្រទេសហ្វ៊ីលីពីន ៖ ប្រធានាធិបតីហ្វ៊ីលីពីន លោក RODRIGO DUTERTE កាលពីថ្ងៃទី២៨ សីហា អនុញ្ញាតឱ្យប៉ូលិសបាញ់សម្លាប់ពួក «ឆ្កួតៗ» ដែលហ៊ានតដៃចំពោះការចាប់ខ្លួនពួកគេក្នុងក្របខណ្ឌនៃយុទ្ធនាការប្រឆាំងគ្រឿងញៀន ។
ក្នុងពិធីមួយនាជាយក្រុងម៉ានីល លោក RODRIGO DUTERTE បានថ្លែងដោយផ្ទាល់ដល់ប្រមុខប៉ូលិសនៃទីក្រុងមួយនៅភាគខាងត្បូងប្រទេស ដែលចៅហ្វាយក្រុងនេះ ត្រូវសម្លាប់ក្នុងប្រតិបត្តិការប្រឆាំងគ្រឿងញៀនឱ្យធ្វើដូច្នេះ ។ លោកពោលទៅកាន់ប៉ូលិសថា កាតព្វកិច្ចរបស់លោកអ្នកទាមទារឱ្យជម្នះការតតាំងរបស់មនុស្សដែលលោកអ្នកត្រូវចាប់ខ្លួន ហើយប្រសិនបើគេហ៊ានតដៃខ្លាំងកា្លនោះ លោកអ្នកមានសិទ្ធិសម្លាប់ពួកឆ្កួតៗ នេះជាបញ្ជារបស់ខ្ញុំ ។
ទោះបីយ៉ាងណា លោក RODRIGO DUTERTE អះអាងថា ការសម្លាប់មនុស្ស និងការធ្វើឃាតមនុស្សក្រៅតុលាការពុំអនុញ្ញាតឡើយ និងថា ប៉ូលិសត្រូវគោរពនីតិរដ្ឋដោយបំពេញបណ្តាបេសកកម្មឱ្យបានល្អ ។
យុទ្ធនាការប្រឆាំងគ្រឿងញៀនប្រកាសពីឆ្នាំ២០១៦ ដោយលោក DUTERTE ពេលលោកឡើងកាន់អំណាចបណ្តាលឱ្យមនុស្សស្លាប់ជាច្រើនពាន់នាក់ ហើយប្រធានាធិបតីហ្វ៊ីលីពីនរងការរិះគន់យ៉ាងខ្លាំងរបស់អន្តរជាតិ ៕
