បើកម៉ូតូឆ្លងផ្លូវត្រូវម៉ូតូមួយគ្រឿងទៀតបុកពេញទំហឹង
ថ្ងៃអង្គារ ទី២៩ ខែសីហា ឆ្នាំ២០១៧ ម៉ោង ១៥:៤៨ (29-08-2017 15:48)
រាជធានីភ្នំពេញ ៖ បុរសម្នាក់បើកម៉ូតូឆ្លងផ្លូវ ត្រូវម៉ូតូមួយទៀតបុកពីក្រោយបណ្តាលឲ្យដួលរងរបួសធ្ងន់ទាំងសងខាង បណ្តាលឲ្យមានការភ្ញាក់ផ្អើលកាលពីវេលាម៉ោង០៦និង៤៥នាទីយប់ ថ្ងៃទី២៨ ខែសីហា ឆ្នាំ២០១៧ តាមបណ្តោយផ្លូវជាតិលេខ៤កែងផ្លូវបេតុង QMI ភូមិជម្ពូវ័ន្ត សង្កាត់ចោមចៅ ខណ្ឌពោធិ៍សែនជ័យ ។
ម៉ូតូបង្កឆ្លងផ្លូវម៉ាកហុងដាឌ្រីម ស៊េរី២០១៧ ពណ៌ខ្មៅ ពាក់ស្លាកលេខ តាកែវ ១N-៦២០០ បើកបរដោយបុរសម្នាក់ក្នុងទិសដៅពីជើងទៅត្បូងឆ្លងផ្លូវ QMI ទៅផ្លូវជាតិលេខ៤ ចំណែកម៉ូតូមួយគ្រឿងទៀតម៉ាកសង់កូរ៉េ ពណ៌ក្រហម ពាក់ស្លាកលេខ តាកែវ ១A-០៥១៨ បើកបរដោយបុរសម្នាក់ក្នុងទិសដៅពីលិចទៅកើត ។
តាមប្រភពព័ត៌មានពីកន្លែងកើតហេតុ បាននិយាយថា មុនពេលកើតហេតុ គេឃើញបុរសម្នាក់ជិះម៉ូតូម៉ាកហុងដាឌ្រីម ស៊េរី២០១៧ ពណ៌ខ្មៅ ក្នុងទិសដៅពីជើងទៅត្បូងឆ្លងផ្លូវបានបន្តិច ស្រាប់តែមានម៉ូតូមួយគ្រឿងទៀតម៉ាកសង់កូរ៉េ ពណ៌ក្រហម ដឹកសំលៀកបំពាក់លក់តាមរោងចក្រ បានបើកបុកពីក្រោយបណ្តាលឲ្យដួលបោកក្បាលនឹងថ្នល់សន្លប់ស្តូក
ស្តឹងរៀងៗខ្លួន ។ បន្ទាប់មកជនរងគ្រោះទាំង២នាក់ ត្រូវបានរថយន្តសង្គ្រោះរបស់សម្ភព រស្មី ដឹកយកទៅសង្គ្រោះភ្លាមៗផងដែរ ។
ក្រោយពេលកើតហេតុ ម៉ូតូទាំង២គ្រឿងប្រគល់ឲ្យជំនាញចរាចរណ៍ខណ្ឌពោធិ៍សែនជ័យ ធ្វើការវាស់វែងនឹងយកទៅរក្សាទុកដើម្បីរងចាំកាដោះស្រាយ ៕
No comments