ប្អូនថ្លៃកាប់អតីតបងថ្លៃ រងរបួសធ្ងន់…
ថ្ងៃពុធ ទី៣០ ខែសីហា ឆ្នាំ២០១៧ ម៉ោង ១៩:៤៤ (30-08-2017 19:44)
ខេត្តកណ្តាល ៖ នាថ្ងៃទី៣០ ខែសីហា ឆ្នាំ២០១៧ វេលាម៉ោង៨ និង៣០នាទី កម្លាំងសមត្ថកិច្ចនគរបាលប៉ុស្តិ៍រដ្ឋបាលសំរោងធំ ធ្វើការឃាត់ខ្លួនបុរសម្នាក់តាមពាក្យបណ្តឹងរបស់ជនរងគ្រោះពីបទហិង្សាដោយចេតនា ប្រព្រឹត្តកាលពីថ្ងៃទី២៩ ខែសីហា ឆ្នាំ២០១៧ វេលាម៉ោង៧ និង៣០នាទីយប់ នៅចំណុចក្រោមផ្ទះជនរងគ្រោះ ស្ថិតក្នុងភូមិព្រែកតាកែវ ឃុំសំរោងធំ ស្រុកកៀនស្វាយ ខេត្តកណ្ដាល។ ជនរងគ្រោះឈ្មោះ ដន វាសនា ភេទប្រុស អាយុ៣៧ឆ្នាំ ជនជាតិខ្មែរ មុខរបរកសិករ មានទីលំនៅភូមិ ឃុំកើតហេតុ របួសដៃខាងឆ្វេងស្រាល។
ចំណែកជនបង្កឈ្មោះ ហ៊ុន ផាណា ហៅនាង ភេទប្រុស អាយុ32ឆ្នាំ ជនជាតិខ្មែរ មុខរបរកសិករ មានទីលំនៅភូមិ.ឃុំជាមួយគ្នា។ តាមពាក្យបណ្តឹងរបស់ជនរងគ្រោះបានរៀបរាប់ប្រាប់សមត្ថកិច្ចថា រូបគាត់ និងជនបង្កអតីតជាបងប្អូនថ្លៃហើយធ្លាប់មានទំនាស់ពាក្យសម្ដីជាមួយគ្នាកន្លងមក។ ហើយនៅថ្ងៃកើតហេតុខាងលើ ជនរងគ្រោះបាននាំបងប្អូនជួបជុំគ្នាផឹកស្រានៅផ្ទះរបស់ខ្លួន ស្រាប់តែជនបង្កបានកាន់កាំបិតផ្គាក់ដើរចូលសំដៅមកកាប់អតីតបងថ្លៃត្រូវខាងខ្នងកាំបិតចំខ្នងដៃខាងឆ្វេងបណ្ដាលឲ្យមានរបួសជាំហើមប៉ោង រួចហើយជនបង្កព្យាយាមរត់គេចខ្លួនបាត់។
លុះព្រឹកឡើងជនរងគ្រោះបានទៅដាក់ពាក្យបណ្តឹងនៅប៉ុស្តិ៍នគរបាលរដ្ឋបាលសំរោងធំ។ ក្រោយទទួលបានពាក្យបណ្តឹងកម្លាំងប៉ុស្តិ៍បានចុះទៅឃាត់ខ្លួនជនបង្កដែលសម្ងំនៅផ្ទះរួមជាមួយវត្ថុតាងកាំបិតផ្គាក់១ ដងឫស្សីផ្លែដែក ប្រវែង០.៤០សង់ទីម៉ែត្រ យកមកប៉ុស្តិ៍ដើម្បីសួរនាំ និងកសាងសំណុំរឿងបញ្ជូនទៅកាន់អធិការដ្ឋាននគរបាលស្រុកចាត់ការបន្តតាមនីតិវិធី៕
ខេត្តកណ្តាល ៖ នាថ្ងៃទី៣០ ខែសីហា ឆ្នាំ២០១៧ វេលាម៉ោង៨ និង៣០នាទី កម្លាំងសមត្ថកិច្ចនគរបាលប៉ុស្តិ៍រដ្ឋបាលសំរោងធំ ធ្វើការឃាត់ខ្លួនបុរសម្នាក់តាមពាក្យបណ្តឹងរបស់ជនរងគ្រោះពីបទហិង្សាដោយចេតនា ប្រព្រឹត្តកាលពីថ្ងៃទី២៩ ខែសីហា ឆ្នាំ២០១៧ វេលាម៉ោង៧ និង៣០នាទីយប់ នៅចំណុចក្រោមផ្ទះជនរងគ្រោះ ស្ថិតក្នុងភូមិព្រែកតាកែវ ឃុំសំរោងធំ ស្រុកកៀនស្វាយ ខេត្តកណ្ដាល។ ជនរងគ្រោះឈ្មោះ ដន វាសនា ភេទប្រុស អាយុ៣៧ឆ្នាំ ជនជាតិខ្មែរ មុខរបរកសិករ មានទីលំនៅភូមិ ឃុំកើតហេតុ របួសដៃខាងឆ្វេងស្រាល។
ចំណែកជនបង្កឈ្មោះ ហ៊ុន ផាណា ហៅនាង ភេទប្រុស អាយុ32ឆ្នាំ ជនជាតិខ្មែរ មុខរបរកសិករ មានទីលំនៅភូមិ.ឃុំជាមួយគ្នា។ តាមពាក្យបណ្តឹងរបស់ជនរងគ្រោះបានរៀបរាប់ប្រាប់សមត្ថកិច្ចថា រូបគាត់ និងជនបង្កអតីតជាបងប្អូនថ្លៃហើយធ្លាប់មានទំនាស់ពាក្យសម្ដីជាមួយគ្នាកន្លងមក។ ហើយនៅថ្ងៃកើតហេតុខាងលើ ជនរងគ្រោះបាននាំបងប្អូនជួបជុំគ្នាផឹកស្រានៅផ្ទះរបស់ខ្លួន ស្រាប់តែជនបង្កបានកាន់កាំបិតផ្គាក់ដើរចូលសំដៅមកកាប់អតីតបងថ្លៃត្រូវខាងខ្នងកាំបិតចំខ្នងដៃខាងឆ្វេងបណ្ដាលឲ្យមានរបួសជាំហើមប៉ោង រួចហើយជនបង្កព្យាយាមរត់គេចខ្លួនបាត់។
លុះព្រឹកឡើងជនរងគ្រោះបានទៅដាក់ពាក្យបណ្តឹងនៅប៉ុស្តិ៍នគរបាលរដ្ឋបាលសំរោងធំ។ ក្រោយទទួលបានពាក្យបណ្តឹងកម្លាំងប៉ុស្តិ៍បានចុះទៅឃាត់ខ្លួនជនបង្កដែលសម្ងំនៅផ្ទះរួមជាមួយវត្ថុតាងកាំបិតផ្គាក់១ ដងឫស្សីផ្លែដែក ប្រវែង០.៤០សង់ទីម៉ែត្រ យកមកប៉ុស្តិ៍ដើម្បីសួរនាំ និងកសាងសំណុំរឿងបញ្ជូនទៅកាន់អធិការដ្ឋាននគរបាលស្រុកចាត់ការបន្តតាមនីតិវិធី៕
No comments